Hangad natin ang isang bayan na payapa at maayos kaya naman ating pinulong ang mga miyembre ng Konseho para sa kapayapaan at kaaayusan ng bayan o ang Municipal Peace and Order Council (MPOC). Pinangunahan ni Police Officer 3 Joan A. Malilay ang pagpupulong at nakasama natin ang Sangguniang Bayan sa pangunguna ni Vice Mayor Lito Rubia, kinatawan ng Philippine National Police (PNP) – Mariveles, Bureau of Jail Management and Penology (BJMP), Bureau of Fire and Protection (BFP), Public Safety Office (PSO) at ilang mga department heads
Batid natin na upang makatugon agad ang mga nasabing ahensya sa tawag ng tungkulin ay kailangang may mga sapat na kagamitan at pagsasanay ang mga ito. Kaya naman napag usapan ang pagsasaayos ng tamang paggamit sa budget at paglalaan nito ayon sa pangangailangan ng bawat opisina.Nagpapasalamat po tayo sa tulong at kooperasyon ng bawat departamento at ahensya. Hangad po natin ang isang pamahalaang nagtutulungan para sa kapakanan at kaligtasan ng bawat mamamayan sa ating bayan.
