Nakasama po natin sina Congw. Gila Garcia ng Ikatlong Distrito, pamunuan ng Mariveles District Hospital, mga kawani ng Freeport Area of Bataan at si Arch. Henry Mayuga sa isang mahalagang talakayan patungkol sa pagkakaroon ng mas maganda at karagdagang medikal na pasilidad kahapon, Hulyo 20, 2022 sa The Bunker sa Balanga City.
Pinangunahan ni MDH Director Dr Hector Santos ang pagpupulong at dito ay tinalakay ang kasalukuyang estado at mga serbisyo na ibinibigay ng MDH. Upang mas mapalawak pa ang mga serbisyong ibinibigay ng nasabing ospital at matugunan at mapunan ang mga kakulangan pa na mga kagamitan, pasilidad at serbisyo, pinag usapan ang posibleng pagpapalawak pa ng MDH sa hinaharap. Ninanais at dinadalangin natin ang mga ganitong proyekto lalo at direktang makakatulong at mapakikinabangan ng ating mga kababayan.
