Ating pong isinagawa ang pagbibigay ng Birthday Cash Gift noong nakaraang Biyernes, ika-5 ng Agosto sa Mariveles People’s Park at Cristina Covered Court Cabcaben para sa ating mga Senior Citizens na may kaarawan sa buwan ng Hunyo 2022. Nakasama po natin ang mga kawani ng Municipal Social Welfare and Development Office at Municipal Treasurer’s Office.
Masaya po tayong nakipagkumustahan at nakipagkwentuhan sa ating mga senior citizens upang matiyak na naibibigay ang benepisyong handog ng ating lokal na pamahalaan para sa kanila. Mahalaga pong maipadama natin sa kanila na malaking parte sila sa pagbuo ng isang maunlad at mapayapang bayan kaya naman sa pamamagitan ng mga benepisyong tulad nito ay naiingatan at naaalalayan natin sila. Ang pamamahagi ng mga benepisyong tulad nito sa ating mga senior citizens ay ating ipagpapatuloy pa sa mga susunod na buwan.
